Ra’iisal wasaare ku xigeenka Soomaaliya Maxamed Cumar Carte oo maalmihii ugu dambeeyay ku sugnaa ayaa la sheegay in ujeedada ugu weyn socdalakiisa ay tahay hakinta maamul ay sameysteen Odayasha uu hogaamiyo Ugaas Xasan.
Wafdigan oo si lama filaan ah u tegay magaalada Beledweyne ayaa kulamo la qaatay Odayaasha ku sugan magaalada Beledweyne oo uu ka mid yahay Ugaas Xasan Ugaas Khaliif, waxaana uu shaaciyay afhayeenka xukuumadda in odayaasha dhaqanka ay aqbaleen waanwaanta uu waday Maxamed Cumar Carte.
Xogta ay heleyso goobjooge.com ayaa sheegeysa in ujeedka ugu weyne ee wafdiga Carte ay tahayd inay hakiyaan isla markaana ogaadaan heerka ay gaarsiisan tahay rabitaanka odayaasha diidan qorshaha dowladda ku doonayaan inay maamul ugu dhisaan gobolka Hiiraan.
Kadib wadahadal laba maalmood socday Odayaasha Beledweyne ayaa sheegay inuusan jirin wax heshiis ah oo ay la galeen wafdiga ra’iisal wasaaraha, sida uu sheegay nabadoon Maxamed Cabdi Maxamuud waxay odayaashu dalbadeen in ka joojiyo lana kansalo shirka Jowhar.
Wadani.com
