Maxkamadda Gobolka Banaadir ayaa xukun ku riday ganacsade la sheegay in lagu helay inuu furtay Banki sharci darro ah iyo shirkad u shaqeysa sida Bankiyada oo kale, taasoo aan shati ka heysan Bankiga dhaxe ee dalka.
Garsooraha Maxkamadda Gobolka Banaadir Cabdiraxmaan Saciid Axmed oo ku dhawaaqay Xukunka ayaa shaaciyey in Cabdullaahi Axmed Maxamed (Xaaji Gaaboow) lagu xukumay Saddex Saddex sano oo xabsi ah iyo Ganaax lacageed oo dhan 920,000 oo Dollar.
Ganacsadaha maanta la xukumay magaalada Muqdisho ayaa caan ka ah degmada Dharkeynley, wuxuuna ganacsiga ka dhaxlay aabihii Xaaji Gaabow, waxayna Muqdisho ku leeyihiin qoyskaasi ganacsiyo kala duwan.
Maxkamadda Gobolka Banaadir waxay xorriyadiisa dib ugu celisay Ayuub Sheekh Maxamed Amiin, kaasoo ku eedeysnaa in uu lahaa shirkad daabacday warqadda qaansheegadka oo ay isticmaalayeen Shaqaalaha Wasaaradda Caafimaadka ee dhowaan la xukumay, kadib markii Maxkamaddu sheegtay in dambigii lagu soo oogay lagu waayay.
Garooraha Maxkamadda Gobolka Banaadir Dr. Cabdiraxmaan Saciid Axmed ayaa sheegay in labada xukun ee Maanta maxkamaddu xukunka ku riday ay muddo 30 cisho ah heystaan labada dhinac ee dacwaddu u dhaxeyso inay racfaan ka qaataan.
