8-da qof ayey hore Maxkamadda Ciidamada Gobolka Mudug ee Puntland Dil toogasho ugu xukuntay, iyadoo loo heysto Shabaabnimo.
Maxkamadda Sare ee Ciidamada Qalabka Sida ee ayaa mar labaad xukun Dil toogasho ah ku riday koox Alshabaabnimo lagu eedeeyay oo ka kooban 8 xubnood oo hore lagu helay Shabaabnimo.
Maxkamadda ayaa dhammaan 8-da qof oo Rag ah ku xukuntay dil toogasho ah, waxayna diiday Rafcaan ay ka qaateen xukunkii ay Bishii July 2021 ku riday Maxkamadda ciidamada ee Gobolka Mudug oo markii ay xukunkan ku riday muran badan ka dhashay.
Guddoomiyaha Gobolka Mudug ee Puntland C/ladiif Muuse Sanyare ayaa soo dhoweeyay xukunka Dilka Toogashad ah, wuxuuna qoraa uu soo saaray ku yiri: “Mar kale waxaan soo dhawaynayaa Xukunka Dilka ee Maxkamada Sare ee Ciidamada Qalabka sida Puntland ay ku riday 8 kamid Amniyaadka Argagaxisada Alshabaab kuwaas oo ahaa Shabakadii dilalka iyo qaraxyada ka geysan jirey. Insha allaah iyaguna waxay maridoonaan Dariiqii ay mareen kuwii ka horeeyey kuwaaso dhadhamin doona xanuunka dhibaatadii ay shacabka ugaysan jireen”.
Xukunka Madaxdda Sare ee ciidamada Puntland ayaa ah mid kama danbeys ay, waxaana harsan in lagu fuliyo dilka toogashad ah.
Xubnaha Dil-sugayaasha ah ee la xukumay waxay kala yihiin:
1- Xasan Isaaq Maxamed,
2- Axmed Cali Hilowle
3- Saddiiq Faarax Nuur Muudeey
4- Maxamed Sharafle Maxamuud
5- Maxamed Cabdullaahi Xuseen
6- Cabdulqaadir Cabdule Xasan
7- Liibaan Ciise Weheliye
8- Iyo Nuur Xuseen Cabdulqaadir.
