Milkiilaha hotelka Maka Al-Mukarrama Gurey Xaaji Xasan ayaa si kulul u beeniyay war kasoo baxay afhayeenka Gobolka Banaadir
kaasoo sheegay in Gaari walyaabaha qarxa laga buuxiyay ay qabteen ciidamada ammaanka, kaasoo ku socday in lagu weeraro rabay hotelka Maka Almukarama ee magaalada Muqdisho.
Warkan ayaa lagu qoray wakaalada wararka SONNA sida laga soo xigtay afhayeenka Gobolka Banaadir Cabdifataax Cumar Xalane, laakiin waxaa si kulul u beeniyay milkiilaha Hotelka oo sheegay in arrintan ay tahay dacaayad raqiis ah oo lagu doonayo in hotelkiisa lagu magac dilo.
Gurey Xaaji ayaa si kulul u sheegay inay dowlad ceeb ku tahay inay Hotelkiisa magacaabaan, ayna tahay markii ugu horeysay ee ay tani dhacdo, isagoo sheegay in hotelkiisa muddo afar jeer ah la weeraray. “Arrinta la sheegay waxay ahayd been abuur, baabuurta ay qabteen ma saarneyn qarax ee iyagaa soo saaray qaraxyada” ayuu caddeeyay milkiilaha Hotelka Maka Almukarama oo u warramay VOA.
Arrintan ayaa fadeexad ku noqoneysa afhayeenka maamulka Gobolka Banadir oo ah nin dhalinyaro oo aad u fudud iyo ciidamada uu kasoo xigtay iyadoo horeba ay u jirtay in hotelka Maka Almukarama lagu qaban rabay shir siyaasadeed oo madaxweyne Xasan Sheekh looga horjeeday kaasoo ay baajiyeen ciidamada NISA.
“Taliyaha Nabad-sugidda Gobolka Banaadir, wuxuu ii sheegay in gaarigan la doonayay in lagu weeraro Hotel Maka Al-Mukarama, shacabka lagu halaago, balse ALLE uu ka badbaadiyay oo ciidamadu ay qabteen,” ayuu yiri afhayeenka Gobolka Banaadir oo la hadlayay Warbaahinta.
DHAGEYSO CODKA MILKIILAHA HOTALKA MAKA ALMUKARAMA GUREY XAAJI
Wadani.com
