Qaar ka mida wasiirada cusub ee uu xalay ku dhawaaqay Ra’iisal wasaare Cumar C/rashiid Cali “Sharma’arke” ayaa la sheegay inay diidan yihiin inay aqbalaan xilalka loo magacaabay iyadoo qaarkood ku doodaya inaysan diyaar u ahayn iyo kuwo kale oo aan lagala tashan.
Wasiirada ilaa iminka xilalka loo magacaabay ka maagay inay qabtaan waxaa kamida:
1. Fahad Yaasiin Xaaji Daahir
2. C/raxmaan Yuusuf Cali Caynte
Fahad ayaa wararku sheegayaan inuu ka caga jiidayo xilka loo magacaabay oo uu ka door bidi lahaa wasaarad kale in loo dhiibo, isagoo la sheegay inay shirar lagu cadaadinayo inuusan is casilin oo ugu yaraan ka warsugo inay baarlamaanka ansixiyaan uu la yeeshay Madaxweyne Xasan Sheekh iyo Faarax Sheekh C/qaadir. Fahad ayaa la sheegay inuu si cad ugu sheegay Xasan Sheekh iyo Faarax Sheekh C/qaadir inay fashilkooda kusoo darin, isaguna uu bannaanka ka ahaado herdanka siyaasadeed.
C/raxmaan Ceynte oo hadda madax ka ah hay’adda baarista Heritage ee Muqdisho ayaa cadaadis weyn kala kulmaya saaxiibo iyo qoyskiisa, iyadoo lagu tirtirsiiyay inuusan aqbalin xilka dowlad farqaha isku dhegan oo aanu magaciisa ku xumeyn xaalada cakiran ee hadda jirta.
Lama oga inay wasiirada doonaya inay is casilaan ay sii kordhi doonaan iyo inkale, waxaase soo baxaya in madaxtooyadu ku mashquulsan tahay sidii wasiiradii ay qoratay ay ugu qancin lahayd inay xilalkii lagu qoray ku qancaan. C/raxmaan Odowaa ayaa la sheegay inuusan raali ka ahayn kana caga jiiday xilka wasiirka arrimaha gudaha isagoo saaxiibadii ay ku qasbeen.
Wadani.com
Muqdisho
[ad name=”HTML”]
