Waxaa lagu wadaa inuu goor dhow oo aan sidaasi u fogeyn hawada dib ugu soo laabto Radiyo Shabelle oo ahaa mid ka mida Raadiyeyaasha magaalada Muqdisho ka furan ee gaarka loo leeyahay iyo Raadiye lagu bartay inuu af-dheer yahay oo inta badan ka baxa xuduudaha saxaafadda, waxaana ka howlgeli jiray weriyeyaal kala duwan oo qaar badan oo kamida dhimasho iyo dhaawac kasoo gaareen weeraro lala beegsaday.
Marka bulshada dhexdeeda aad timaado waxaa Radio Shabelle loo arkaa siyaabo kala duwan hal-adeyga iyo qalafsanaanta wararkiisa iyo faallooyinkiisa ka sokow wuxuu caan ku yahay inuu marba qof siyaasi ah ama dadka ka dhex muuqda tooshka ku qabto oo iska daba dhigto si aan waxba loola harin. Dadka qaarkii waa la dhacsan yihiin qaarna waxayba gaareen heer aanay dhageysan.
[ad name=”HTML-2″]
Aragtida kala duwan ee Shabelle laga qabo waxaa u wehliya inuu xaalado halis ah soo maray oo dhibaatooyin aan yareyn loo geystay. Laga yaabee inuu qaar isagu wax ku lahaa, laakiin waxaa xusid mudan in Raadiyahani weriyeyaal badan oo masaakiin ah naftooda u hureen damac uu leeyahay shaqsi kaliya oo isagu ku haga sida uu doono.
Waxyaabaha la yaabka leh waxaa kamida ee dhaqanka u ahayd Raadiyaha Shabelle inuu qof mas’uul ah sumcad dilis shaqsi ah ku sameeyo oo haddana waqti dheer isaga wado iyadoo laga yaabo in shanta qodob ee warka afar ka mida uu ku soo qaato shaqsigaas; Waxaa tusaale kuugu filan:
1. Axmed Nuur Tarsan (Guddoomiyihii hore ee Gobolka Banaadir iyo duqii Muqdisho 00 laba sano ka badan Shabelle dacaayada ka fidineysay)
2. C/kariin Xuseen Guuleed (Wasiirkii hore ee Amniga oo ilaa mudadii ugu dambeysay iyo markii xoog looga soo raray xaruntoodii hore ay iska daba dhigatay Idaacadda)
[ad name=”HTML-3″]
Dhinaca kale Shabelle Radio waxay kaloo amaan iyo bogaadin ka badbadis ah oo mararka qaarkood been abuur ah ka sameeyaan shaqsiyaad iyaguna mas’uuliyiin ah, waxaa ugu danbeeyay Guddoomiyaha cusub ee Gobolka Banaadir Xasan Muungaab, taasoo su’aalo badan la iska weydiiyay….???. Iyadoo ay iska caddahay inay xaajadu tahay: LACAG KU SHUBO AMA SHARAFTAADA..
Saxafi weyn oo khabiir ah ayaa laga hayaa “SHABELLE inay abidkeed xirnaanto ayaan ku talin lahaa iyo in milkiilaheeda isna madaxaa haku furto lagu xukumo” khabiirkaasi waxa heerkaas gaarsiiyay laga yaabee inay tahay mihnada saxaafadeed ee uu yaqaan inuu difaacayo, laakiin waxaa cad in Radio Shabelle ku socday jid qarda jeex ah oo saxaafad rajo minhadeed leh aanay u bareeri karin; waxaana eeda inteeda badan iska leh milkiilaha idaacadaasi oo loo tirinayo inuu ka dhigtay aalad uu dagaalamo, markii ay ku yaraatayna idaacad kale ku ag rakibay SKY.
Saaxiibadeen ka howlgala Shabelle iyo SKY ee saxafiyiinta ah waxaa waano ugu filan in milkiilaha Idaacadda uu ka bixin waayay ganaaxii maxkamadda Gobolka ku xukuntay oo iyaga iyo ehelkooda ay iska bixiyeen… mana muuqato sabab ay ugu adeegaan loona adeegsado ujeedooyinka ay noloshooda mar kale halis ku gelin karaan.
Waxaan sugnaaba waa in Radiyo Shabelle shar jabay oo warbaahinta dhinac ka raaci doono iyo inuu dib ugu laaban doono sidii shalay.
Faallo
Goobjooge.com
Muqdisho
[ad name=”HTML”]
[ad name=”HTML-6″]
[ad name=”HTML-5″]
