Ra’iisal wasaaraha xukuumadda Soomaaliya ayaa si cad ugu sheegay taageerayaashiisa inuu ku qanco codka kalsoonida iyo Baarlamaanka kadib herdan dheer oo dhex maray isaga iyo madaxweynaha, wuxuuna taageerayaashiisa u caddeeyay in xitaa hadii ay dhacdo inuu xilka waayo aysan kala tegi doonin kooxdiisa lana sii shaqeyn doono, si dalka looga badbaadiyo inuu koox yar gacanta u galo. Wuxuuna intaas ku daray inuu keliya ku tegayo si sharci ah oo aanu xeerjajab ka galeynin.
- RA’IISAL WASAARE C/WELI SHEEKH AXMED OO AY U TOOSAN TAHAY
C/weli Sheekh Axmed ayaa uga warramay kooxda taageersan wixii kala qabsaday isaga iyo saaxiibada madaxweynaha, wuxuuna sheegay in haddii uu xildoon yahay, uu yeeli lahaa sida doonayaan madaxweynaha iyo saaxiibadiis oo ah in dowladda oo dhan gacantooda gasho oo wixii uu qabanayo ay u meeriyaan; isagoo weliba heystay balanqaad ay siiyeen oo ahaa inaysan wada socon doonaan ilaa 2016.
Xildhibaannada taageersan Ra’iisal wasaaraha ayaa rajo ka qaba inay heli karaan codad ay uga hortagaan in lagu rido xukuumadda Ra’iisal wasaare C/weli, iyagoo dadaallo dheeraad ah ku bixinaya sidii codadka ay heystaan kooxda madaxweyaha ay u yareyn lahaayeen ama u badin lahaayeen dhinacooda xildhibaanada kusoo biiraya.
Goobjooge.com
Muqdisho
[ad name=”HTML”]
