Ra’iisal Wasaaraha xukuumadda Soomaaliya Xasan Cali Kheyre ayaa la sheegay in loo gudbiyay dacwad ku saabsan kala dirista Rugta ganacsiga Soomaaliyeed.
Tallaabadan oo ay ku dhaqaaqday Wasiirka Ganacsiga iyo Warshadaha Khadra Axmed Ducaale ayaa ku soo beegantay iyadoo dalka ka maqan, waxaana la xaqiijiyay inaan Ra’iisal wasaare aanu ka warqabin, isagoo ka war helay wareegtada markii warbaahinta shaacisay.
Muranka ka dhashay kala dirista madaxda Rugta Ganacsiga Soomaaliya ayaa saameyn ku yeeshay Ra’iisal wasaaraha oo hore u aqoonsaday doorashadii madaxda Rugtan, taasoo weji gabax ku noqotay Kheyre.
Wasiir kuxigeenka iyo Wasiiru dowlaha Ganacsiga ayaa arrintan ku garab taagan waay Wasiirada, taasoo xalaadda uga sii dareysa, waxaana Ra’iisal wasaare Kheyre uu u muuqdaa nin xakameyn waayay wasiiradiisa oo midna uu mar tallaabo iska qaadanayo.
Wasiir Khadra oo ku sugan magaalada Nairobi ayaa loogu yeeray inay degdeg ugu soo laabato magaalada Muqdisho, lamana oga tallaabada uu qaadi doono Ra’iisal wasaaraha.
Kiiskii ugu danbeeyay ayaa ahaa markii Wasiirka Arrimaha gudaha uu shaqo ka fariisin ku sameeyay xoghayihii Wasaaradda Yaxye Cali Ibraahim taasoo muran ka dhex dhalisay wasiirka iyo Ra’iisal wasaaraha.
Wadani
Wasiirka Ganacsiga oo kala dirtay Rugtii Ganacsiga & Warshadaha Somaliya [Akhriso Wareegto]
