Ra’iisal wasaarihii hore ee Soomaaliya, ahna guddoomiyaha Madasha Midnimada iyo Dimoqraadiyadda C/weli Sheekh Axmed ayaa lagu wadaa inuu maalint beri ah ee Arbacada uu ka dhoofo Muqdisho markii ugu horeysay tan iyo intii uu xilka ka degay khilaaf dheer oo dhex maray madaxweyne Xasan Sheekh kadib oo Baarlamaanka federaalka ay kalsoonida kala laabteen xukuumadiisa horaantii Disember 2014.
[ad name=”HTML-2″]
Guddoomiye C/weli ayaa lugta hore ee socodkiisa ku wajahan magaalada Nairobi ee dalka Kenya halkaasoo kulamo kala duwan kula qaadan doono siyaasiyiin iyo waxgarad reer Kenya ah, saraakiisha dowladda Kenya, safaaradaha beesha caalamka ee arrimaha Soomaaliya daneeya iyo dhinacyo kala duwan oo aqoonyahano iyo siyaasiyiin isugu jira.
Socdaalka Ra’iisal wasaarihii hore ayaa sidoo kale la sheegay inuu ujeedkiisu yahay sidii uu taageero ugu heli lahaa isbaheysiga siyaasadeed ee uu hogaamiyo oo u taagan talada dalka dib loogu celin lahaa dadka Soomaaliyeed, waxaana magaalada Nairobi uga horeeya guddoomiye ku xigeenada madasha oo u gogol xaaraya socdaalka.
Madasha uu hogaamiyo C/weli Sheekh Axmed ayaa waxaa ku bahoobay aqoonyahano, Indheeragarad, Siyaasiin, Xisbiyada dalka ka jira iyo Kutlooyinkii Baarlamaanka.
Goobjooge.com
Muqdisho
[ad name=”HTML”]
[ad name=”HTML-5″]
