Haweeney muddo 20 sano ka badan Guri ay lahayd looga heystay magaalada Muqdisho ayaa maanta la ilmeysay kadib markii lagu wareejiyay furaha gurigeeda oo dhibaato badan ay ka martay in dadkii ka heystay looga qaado.
Guddoomiyaha gobolka Banaadir Yuusuf Xuseen Jimcaale ayaa xaflad la soo abaabulay oo kooban haweeneydaasi oo lagu magacaabo Saciido Maxamed Mursal ku wareejiyay furaha gurigeeda, iyadoo muddo 20 sanno ka badan ay ka heysteen dad xoog is biday.
Yuusuf Jimcaale ayaa sheegay in maamulka Gobalka Banaadir aanu oggolaan doonin in hanti uu leeyahay qof muwaadin ah si shari darro ah ku heysaan dad kale.
Taliyaha qeybta guud ee gobalka Banaadir Bashiir Abshir Geedi ayaa isna sheegay in hay’addaha ammaanka baaritaan dheer kaddib la ogaaday in Hooyadan gurigeeda sharci darro looga heystay. Gurriga oo ku yaalla degmada Waaberi ee magaalada Muqdisho waxay maanta dib u hanatay milkiyadiisa.
Sacdiya Maxamed Mursal oo dareen farxadeed la ilmeysay ayaa sheegtay inay inay cadaalad ka jirto Magaalada Muqdisho mar haddii gurigeeda loo soo celiyay, waxayna caddeysay inay aad ugu faraxsan tahay in mar kale ay hesho hantideedii.
DAAWO SAWIRRO
Wadani.com
