“Norske Hassan ny statsminister i Somalia” Qof Noorwiijiyaan ah oo loo magacaabey xilka ra’iisal wasaaraha Soomaaliya, ayaa cinwaan looga dhigey faallo ku soo baxdey waregsyka ugu weyn dalka Norway ee VG (Verdens Gang)
Kadib markii Madaxweynaha Jamhuuriyadda Federaaliga ah ee Soomaaliya Maxamed C/llaahi Farmaajo u magacaabey Xassan Cali Kheyre raysalwasaare ayaa waxaa faallo ka qorey Waregsyaka VG ee ka soo baxa dalka Norway.
Joornaalka ayaa qoraalkiisa ku bilabey in Xasan Cali Kheyre uu yahay 49 jir yimid dalka Norway isaga oo ah 21 sano jir sanadkii 1989.
Wuxuu noloshiisa ka bilaabey magaalada Valdres, kadib waxa u u wareegay caasimada Norway si uu wax uga barto halkaas sida uu qorey Joornaalka VG.
Kheyre ayaa joornaalka Aftonposten u sheegay sanadkii in uu ahaa qof nasiib badan kadib markii uu Soomaaliya ka soo tegey sanadkii 1989 markaas oo dagaaladu ay taagnaayeen albaabka hore, wuxuu u sheegay in uu Norway ku heley amni, deganaansho iyo fursado waxbarasho.
Sanadkii 2002 ayuu bilabey in uu ka shaqeeyo arrimaha dadka soo galeetiga ah, isaga oo shaqadiisi u horeeyey ka bilaabey hay’adda NEO ee ka shaqeysa arrimaha qaxootiga, kadib waxa uu noqdey qofka Soomaaliya u qaabilsan hay’adda NEO, waxaana uu u wareegay dalka Kenya 2011-2014.
Joornaalka VG ayaa ka hadley baritaankii guddiga dabagalka ee Qaramada Midoobey ee ay la xiriiriyeen Kheyre in uu xiriir la lahaa kooxaha Argagxisada sida al-Shabaab, waxaana ay sheegeen in mar danbe laga tirtirey tuhunkaas. Joornaalka oo soo xiganaya CBC News ayaa sheegay in sanadkii hore Denjiraha u fadhiya Norway Qaramada Midoobey u direy Qoraal Guddiga Dabagalka ee Qaramada Midoobey u xilsaartey Soomaaliya iyo Ereteeriya, waxaana qoraalkaas kamid ahaa su’aalo la xiriirey Canshuuraha Kheyre ee sanadkii 2013, Koontadiisa iyo weliba Kaararka amaahashada Creditcards uu isticmaaley sanadkii 2013. Kheyre ayaa Dagbladet u sheegay in waxa lagu soo oogay oo dhan ay ahayd been-abuur la dhoodhoobay.
Madaxa hay’adda NEO ee dalka Norway Harriet Rudd ayaa sheegtey in Xassan Kheyre la magacaabey xili adag oo dalka abaaro ka jiraan, laakiin khibaradda uu u lee yahay arrimaha biniadaanaimada iyo gargaarku uu siin karo in uu wax a qabto dhibaatada taagan, waxaana uu ku tilmaamey shakhsi daa’imey samafalka kuna wanaagsan gorgortanka iyo wax xalinta.
Waregsyaka ayaa sheegay in Xasan Cali Kheyre yahay nin haysta laba dhalsho oo ah Soomaaliya iyo mida uu ikhtiyarkiisa ku noqdey ee Norway si lamid ah Madaxweynaha oo ah muwadin haysta laba dhalasho.
Tarjumaadii: HorseedMedia
