Shariif Xasan Sheekh Aadan oo ah xildhibaan ka mida baarlamaanka Soomaaliya muddo dheerna ku soo jiray siyaasadda KMG ah ee Soomaaliya ayaa qarka u saaran inuu ka dhabeeyo qorshe muddo laga soo shaqeeyay oo ah inuu noqdo madaxweynaha maamulka Koonfur Galbeed ee Soomaaliya.
Qorshahan oo ay taageersan yihiin gadaalna ka riixayaan madaxweyne Xasan Sheekh ayaa rajadiisu soo dhowaatay kadib markii ay guddiga wada shirka maamul u sameynta K/Galbeed ay iska dhega tireen go’aankii ra’iisal wasaaraha soo saaray dhowaan ee ahaa in la joojiyo shirkaasi, go’aankaas oo uu taageeray guddoomiyaha Baarlamaanka.
Shirka ayaa sii socda iyadoo la sheegay in ergada iyo odayaasha dhaqanka ay dooran doonaan madaxweynaha maamulkaasi isla markaana aan loo baahneyn in xildhibaanno marka hore la soo xulo, taasoo ay wateen Ra’iisal wasaaraha iyo guddoomiyaha Baarlamaanka. Waxaa la ansixiyay dastuurkii Koonfur Galbeed iyadoo kaliya ay harsan tahay in gacmaha loo taago laguna dhawaaqo inuu Shariif Xasan ku guuleystay madaxweynaha maamulka Koonfur Galbeed ee Soomaaliya.
Arrintan ayaa keeni doonto qarax siyaasadeed iyo mid beeleed oo ka dhaca Baydhaba iyadoo xildhibaanno badan ay si weyn uga horjeedaan Shariif Xasan, iyadoo Itoobiya ay si hoose u taageereyso. Waxaa hore looga digay inay arrintan keeni doonto dagaal, ka sokow mugdi soo kala dhex gala Madaxweynaha iyo Guddoomiyaha Baarlamaanka.
Wadani.com
Muqdisho
[ad name=”HTML”]
