29-ka Bisha July oo ku beegan berito waxaa magalaadda Muqdisho ka furmaya shir heer caalami ah oo looga hadali doono arrimaha hiigsigacusub ee (New Deal) 2016-ka iyadoo lagu soo bandhigayo waxqabadka dowladda Soomaliya ee dhinacyada dhismaha maamulada, siyaasadda, amniga, hormarinta dalka iyo suurta galnimadda in doorasho dhacdo sanadka 2016-ka.
Waxaa la filayaa inay shirka kasoo qeyb galaan ilaa 40 wakiilo ka kala socda beesha caalamka oo taageera dowlada Soomaaliya, waxaana dowladda Soomaaliya shirkan qabanqaabadiisa la wada Q/Midoobay xafiiskeeda Soomaaliya ee UNPOS.
Waxaa Muqdisho laga dareemayaa diyaar garow ku saabsan shirkan oo loo diyaariyay inuu ka dhaco xaruntii ciidanka Cirka Soomaaliyeed ee Afisyooni oo dhinaca ku heysa garoonka diyaraadaha Muqdisho. Xaruntaas oo UN-ka uu diyaariyay waxaa maanta booqday Ra’iisal wasaare ku xigeenka xukumadda Soomaaliya Maxamed Cumar Carte iyo wasiiro la socda.
Kulanka ayaa ahmiyad weyn u leh dowladda Soomaaliya sida uu sheegay wasiirka qorsheynta iyo iskaashiga calamiga ah ee Soomaliya C/raxmaan Yuusuf Caynte oo intaas ku daray in shirka looga hadlayo mashaariicda ay Midowga Yurub u ballan qaadeen hiigsiga cusub.
Shirka ayaa waxaa wada guddoomin doona Madaxweyne Xasan Sheekh Maxamuud iyo Ergayga Xoghayaha guud ee Qaramada Midoobay u qaabilsan Soomaaliya Nicholas Kay, waxaase qaadacay qaar ka mida maamulada dalka ka jira sida Puntland.
Wadani.com
[ad name=”HTML-1″]
