Waxaa suuragal noqotay in gacanta lagu dhigo ninkii ka danbeeyay qarixii maanta ka dhacay magaalada Muqdisho oo ahaa Miino lagu xiray Gaari hor yaallay Hotelka Safari ee Isgoyska Soobe, magaalada Muqdisho.
Gaariga miinada lagu xiray ahaa nooca NISSAN SURF ayaa la sheegay in Darawalka Gaariga uu arkayey wiil dhalinyaro oo Bac madow qalab ku wata kaasoo isagoo is qarinaya gaariga ku dhejiyey qaraxii uu watay, waxaana uu dabagalay ninka Shabaabka ahaa, isagoo markii uu ku soo dhowan goob ay fadhiyeen ciidamada Booliska ku qeyliyey inuu yahay Alshabaab oo loo qabto ninkan, markaasina ay ciidamadii hareereeyeen oo ay qabteen ninkan.
Ninka Gaariga qaraxa lagu xiray lahaa ayaa magaciisa lagu soo gaabiyey C/llaahi ayaa la sheegay inuu shaqaale ka yahay Garoonka Diyaaradaha Muqdisho, waxaana uu marka arrintan dhaceyso uu taagnaa afaafka hore ee Hotelka Safari, iasgoo sheegay inuu ka shakiyay ninkan bacda qaraxa ku jirtay watay, aadna uu ula socday dhaqdhaqaaqiisa. Gaariga ayaa qarxay intii uu ku daba jiray ninka qaraxa ku xiray Gaariga oo aan markaasi la qaban, kaasoo dhawacay laba qof.
Darawalka ayaa sheegay ; waxaana laga soo weriyey ninka la qabtay inuu sheegay in loo soo dhiibay qaraxa, loona sheegay inuu ku xiro Gaarigii uu arko oo Miraayado madow leh, kadibna uu arkay Gaariga yaalla Isgoyska Zoobe, kaasoo uu ku xiray qaraxa.
Ciidamada Amniga ayaa muddooyinkii danbe ku guuleystay inay ka hortayaan ama ka daba tagaan falal dilal qorsheysan ah iyo qaraxyo ay soo qorsheeyeen Alshabaab, waxayna arrinta maanta dhacday ahayd arrin cusub oo aan hore u dhicin.
