Muddo 26 sano kadib ayaa Soomaaliya markii u horeysey kamid noqdey dalalka codka ku leh hay’adda caafimaadka aduunka u qaabilsan Qaramada Midoobey ee WHO.
Shirkii dhawaan ka dhacay magaalada Geneva ee lagu doortey Agaasimaha cusub ee WHO ayay Soomaaliya codkeeda ka dhiibatay.
Dowladii hore ee Soomaaliya ayaa bixisey qaaramaadkii ay ku lahayd WHO iyo hay’ado kale oo caalami ah taas oo fududeysey in Soomaaliya mar kale dib u soo ceshato codkii ay ku lahayd WHO.
Wasiirka caafimaadka ee Soomaaliya Fawsiya Abiikar Nuur PhD, ayaa sheegtey in ay dalabadeen in ay kamid noqdaan shirguddoonka hay’adda WHO taas oo suurta gashey in Wasiirku kamid noqoto shirguddoonka.
“….Soomaaliya waxaa soo jeedisay in ay ka mid noqoto shir guddoonka sare ee hay’adda gobolka aan ka tirsan nahay ee fadhigeedu yahay dalka Masar, shirka markii loo soo jeediyayna si aqlabiyad ah ayaa lagu ogolaaday…” ayeey tiri Fawsiya Abiikar oo wareysi siisa VOA.
