Taliyaha ciidamada Mareykanka ee Africa (AFIROM) Gen. Stephen Townsend ayaa sheegay in Alshabaab ay halis weyn ku yihiin Mareykanka, ayna awoodaan inay weerarro ka fuliyaan meelo ka baxsan Somalia.
Jeneraalka ugu sareeya ciidamada Mareykanka ee Afrika ka howlgala ayaa wareysi ay la yeelatay VOA-da ku sheegay in Alshabaab haddii ay iska dhaafaan hal daqiiqo ay awoodi karaan inay waxyeelo ka geystaan Gudaha Mareykanka sida uu yiri, wuxuuna intaas ku daray in duqeynta ay la beegsadaan Alshabaab ay shaqeyneyso.
“Waxaan ognahay inay jiraan khatar ah inay Alshabaab weerarraan safaarado iyo isu soo baxyo ka baxsan Soomaaliya, waxaana ka aragnay weerarkii Manda Bay.. Alshabaab waxay doonayaan inay weerarraan dadka Mareykanka ah meel kastoo ay ka helaan xitaa gudaha Mareyanka. Ma garanayo inay awood u leeyihiin taas, laakiin haddii aan iska dhaafno hal daqiiqo waxay waxyeelo ka geysan karaan gudaha Mareykanka” ayuu yiri Taliyaha ciidamada Mareykanka ee Afrika Gen Stephen Townsend.
Gen Stephen Townsend
Dowladda Mareykanka ayaa saddexdi sano ee lasoo dhaafay kordhisay duqeymaha cirka ah ee ay gudaha Soomaaliya ugu geysaneyso kooxda Al-Shabaab. Sannadki 2019-ki Mareykanka waxay Soomaaliya ka fuliyeen ilaa iyo 64 duqeyn, halka sannadkan 2020 ay fuliyeen ugu yaraan 25 duqeyn oo dhanka cirka ah.
