Taliyaha ciidamada Xoogga dalka Soomaaliyeed Gen. Maxamed Aadan Axmed ayaa si kulul uga hadlay bar twitterka laga sameeyay oo magaciisa lagu furtay.
QoraAl uu soo saaray Taliyaha ciidanka xoogga dalka Soomaaliyeed ayaa lagu sheegay inay soo gaareen dad adeegsanaya magaciisa oo baraha bulshada ku faafinayaan warar been ah.
AKHRI QORAALKA TALIYAHA
Taliska ciidanka xoogga dalka Soomaaliyeed waxaa soo gaaray in dad adeegsanaya magacooda ay baraha bulshada ku faafinayaan warar been abuur ah oo aan waxba ka jirin
Barahaasi waxa ka mid ah akoonka twitterka ee cinwaankiisu yahay @ChiefOfDefence, halkaasi oo lagu daabaco warar badan oo been abuur ah oo ku xadgudbaya dawlado, mas’uuliyiin iyo shaqsiyaad kaleba.
Waxaan halkan ka caddaynayaa in wararka lagu baahiyey akoonkaasi ay yihiin been abuur, waxaana danta laga leeyahay ay tahay burburinta sharafta qaranka, tan ciidanka iyo iska horkeenka bulshada.
Taliyaha ciidanka xoogga dalka Sarreeye Gaas Maxamed Aadan Axmed iyo taliskuba waxaya caddaynayaan in aysan lahayn bar twitter iyo bar kale oo baraha ijtimaaciga ah xilligan, Markii barakahaasi rasmiga ah la unko waxaa lagu faafindoonaa warbaahinta qaranka.
Waxaan uga digayanaa dadka isticmaalaya barahaasi been abuurka ah in lagu daba joogo, raadkoodana la hayo, sharcigana lala tiigsan doono dhowaan.
Wada shaqayn
Sarreeye Gaas Maxamed Aadan Axmed
Taliyaha Ciidanka Xoogga Dalka Soomaaliyeed
