Wararka laga helayo Gobolka Sh/dhexe ayaa sheegaya inuu halkaasi ku geeriyooday taliyihii ururka Lixaad ee ciiidamada Gorgor.
Allaha u naxariistee Maxamed Cabdiwaaxid Faarax oo ahaa Taliyihii ururka 6-aad ee Gorgor ayaa la sheegay inuu ku dhintay dagaal ka dhacay inta u dhaxeysa deegaanada War-Ciise iyo Aqabduco oo ka tirsan Gobolka Shabellaha Dhexe.
Wararka la helay ayaa sheegaya in Taliye Maxamed Cabdiwahaab hoggaaminayey dagaalka iyo askar kale ay kudagaal qaaraar oo ay la galen Alshabaab. Alshabaab ayaa sidoo kale dagaalka looga dilay saraakiil iyo dagaalamayaal waxaana la sheegay in laga qabsaday 2 gaari kuwa kalena laga gubay.
Taliye C/waaxid ayaa ka mid ahaa dhalinyarrada ku biiray ciidamada xoogga dalka ee tababarka sare kusoo qaatay dalka Turkiga, wuxuuna dalka kusoo laabtay isaga iyo ururkiisa horraantii sanadkan.
Taliska Ciidanka xoogga dalka ayaan wax war ah kasoo saarin geerida taliye Maxamed C/waaxid, waxaana uu qeyb ka ahaa howlgallo Al-Shabaab looga saaray deegaano ka tirsan Shabellaha Dhexe.
