Wasiirka arrimaha gudaha iyo Federaalka C/raxmaan Xuseen Odawaa ayaa maanta ku dhawaaqay intii aanu ka soo anbabixin degmada Cadaado oo shirka maamul u sameynta gobollada dhexe ka furmi doono dhowaan tirada ay noqon doonto ergada shirkaasi oo lagu dooran doono hogaanka maamulkaasi.
[ad name=”HTML-1″]
Shir jaraa’id oo uu ku qabtay Cadaado ayuu wasiirku ka sheegay in Gudiga farsamada shirka, mas’uuliyiinta maamullada Ximan iyo Xeeb, Galmudug iyo Ahlusunna ay isla qaareen in ergada shirka ka qeyb galeysa oo tiro ahaan la isla gartay inay noqdaan 350-xubnood. Ergadan ayaa lagu wadaa in beelaha soo magacaabaan oo Sabtida la xareeyo si shirku u furmo.
Wasiirka iyo wafdigisii oo ay ka mid yihiin dhowr wasiir iyo mas’uuliyiin ka soo jeeda degaanadaasi ayaa galabta dib ugu laabtay magaalada Muqdisho kadib in ka badan laba toddobaad oo uu ku sugnaa Cadaado ayuu ugu baaqay beelaha maamulka goboladda dhexe dhisaya inay midoobaan.
Waa horumarkii ugu horeeyay ee laga gaaray furitaanka shirka Cadaado iyadoo ay hore u jireen caqabado la xiriira tirada ergada oo Qaramada Midoobay ay sheegtay inaysan kharash u heyn wax ka badan 300 ergo. Beelaha ayaa weli isku maandhaafsan sida loo qeybsanayo ergada inkastoo tirada guud ahaan la jaangooyay.
[ad name=”HTML”]
[ad name=”HTML-6″]
[ad name=”HTML-1″]
