Wadahadal loogu kala dab qaadayo Ra’iisal wasaaraha xukuumadda Soomaaliya Xasan Cali Kheyre iyo hoggaamiyaha Ahlu Suna Macalin Maxamuud ayaa ka socda magaalada Dhuusamareeb ee xarunta Galgaduud.
Is-bededelka hoggaaminaya Ahlu suna ayaa yimid shalay subaxnimadii markii uu ka war helay in ciidamo culus oo uu dalbaday oo ku sii jeeda magaalada oo muddo 10 sano ka badan ay gacanta ku hayeen ciidamo ka amarqaata, wuxuuna amar ku bixiyey in la xiro garoonka magaalada Gaalkacyo, lana celiyo ciidamada dowladda.
Macalin Maxamuud ayaa tallaabada uu qaaday kadib dalbaday in amniga magaalada Dhuusamareeb loo daayo ciidamada hore u joogay ee isaga ka amar qaata, isla markaana wax ciidamo ah aanay keenin dowladda Federaalka, wuxuuna sidoo kale dalbaday in loo saxiixo is-afgarada ay hore ula gaareen Ra’iisal wasaaraha oo ka kooban 3 qodob,
Xaaladda Magaalada Dhuusamareeb isu bedeshay mid cakiran oo jahawareer siyaasadeed uu hareeyay, waxaana tan xslay socday wadahadal la isaga dab qaadayo Ra’iisal wasaare Kheyrei yo hoggaamiyaha Ahlu suna, iyadoo aan wax horumar ah laga gaarin.
Ra’iisal wasaare Kheyre ayaa la sheegay inuu diiday qodobadda uu wato Macalin Maxamuud oo qaarkood uu sheegay inuusan awood u lahayn sida xildhibaanno Ahlu suna ku yeelato baarlamaanka soo socda ee Galmudug, balse uu caasimadda Galmudug ay tahay inaysan koox maamulin.
Wararkii ugu danbeeyay ayaa sheegaya in weli ay socoto waanwaanta oo Macalin Maxamuud ay ku metelayaan wiil uu dhalay iyo mid uu Adeer u yahay C/samad Macalin Maxamuud iyo C/kaafi Qaaf), halka Raiisal wasaare Kheyre ay wakiil ka yihin Wasiirada Arrimaha Gudaha iyo Amniga, laakiin Ra’iisal wasaare Kheyre ayaa qaatay mowqif cad oo aan ka noqosho lahayn.
