Wadooyinka magaalada Muqdisho ayaa maanta la xiray iyadoo ay socoto qabanqaabada soo dhoweynta madaxweynaha Jabuuti Ismaaciil Cumar Geelle oo maanta imaanaya magaalada Muqdisho.
Ciidamada Booliska iyo Milateriga ayaa xiray int badan Wadooyinka Magaalada Muqdisho, waxaana loo diiday Gaadiidka, halka meelaha qaar laga hor istaagay dadka lugeynaya, taasoo saameyn ku yeelatay ganacsiga iyo isu socodka dadka magaalada ku nool.
Waxaa socota qabanqaabadii ugu danbeysay ee soo dhoweynta madaxweynaha jabuuti Ismaaciil Cumar Geelle, iyadoo uu soo dhoweyn doono madaxweyne Maxamed C/llaahi Farmaajo.
Madaxweynaha Jabuuti ayaa xariga ka jari doona safaaradda cusub ee Jabuuti ka dhisatay magaalada Muqdisho oo ku taalla degmada C/casiis, waxaana la sheegay inuu kadib tegi doono magaalada Beledweyne ee Gobolka Hiiraan.
