Wadooyinka xiran ee xaafadaha Muqdisho oo lagu jaray dhagxaanta waaweyn ayaa dhaliyey in xalay loo gurman waayo guri dab qabsaday oo ku yaalla xaafaf ka tirsan magaalada Muqdisho.
Laba Dab oo ahaa kuwo xoog leh ayaa xalay saqdii ka kacay Garaash Gaadiidka la dhigto oo ku yaalla Haanta-dheer ee magaalada Muqdisho iyo Guri ku yaalla degaanka Buuloxuubey ee degmad Wadajir kuwasoo dhaliyey qasaare markii ay dhibaato noqotay inay gadiidka dab -damiska gaaraan..
Dabka ka kacay xaafadda Haanta dhewr ayaa qasaare u geystay baabuur ilaa tobaneeyo ah oo isugu jira Caasi, Homey, iyo Mooto Bajaajyo, waxaana ay ku bas beeleen dab xoog leh oo halkaasi ka kacay, halka xaafadda Buulo xuubey ay dadku muddo la hardamayeen inay dab damisyada ka hor wareejiyaan Dhagxaanta lagu xiray wadooyinka xaafadaha.
Gaadiidka Gurmadka degdega ah ee maamulka Gobalka Banaadir ayaa la sheegay inay wa jawaab ah ka bixin qeyla dhaantii shacabka, iyadoo ay gurmadka hormuud ka ahaayeen dab damisyada Hormuud iyo Shacabka xaafadahasi deganaa.
Xaafadaha Muqdisho ayaa lagu xiray dhagxaan waaweyn oo aanay gaadiidku mari karin, waxayna arrintan soo taxneyd tan iyo markii uu xilka NISA hayey agaasimihii hore C/llaahi Sanbaloolshe, iyadoo gaadiidka oo dhan la isugu keenay wadooyinka waaweyn ee Laamiyada.
