Wakiilka Qaramada Midoobay ee Soomaaliya, James Swan khudbad u jeediyay Galabta kulan ay xaaladda Soomaaliya ka yeesheen Golaha Ammaanka ee Qaramada Midoobay.
Jawes Swan ayaa warbixinta uu siiyey Golaha Amniga kusoo qaaday: Wadahadalada Dhuusamareeb, Doorashooyinka qaranka, Guulaha ammaanka laga gaaray iyo Caqabadaha taagan, xaaladaha bini’aadanimo iyo saameynta COVID-19 ku yeelatay Soomaaliya.
“Waxaan ka xunnahay inay shirka muhiimka ah ee Dhuusamareeb ka maqan yihiin madaxweynayaasha Puntland Siciid C/llaahi Deni iyo Jubbaland Axmed Islam Madoobe. Waa ahayd niyadjab inay diideen ka qeyb galka shirka, inkastoo codsiyo badan ay u direen hoggaamiyeyaasha Soomaalida iyo Beesha Caalamka..” ayuu yiri James Swan.
Wuxu sheegay inay fahamsan yihiin jiritaanka aragtiyo aad u kala duwan oo u dhaxeeya hoggaamiyeyaasha Soomaalida, xiisadda siyaasadeedna ay kacsan tahay xilligan kala guurka ah, balse ay muhiim tahay in hoggaamiyeyaasha Soomaalida ka wadahadleen sida ugu haboon ee xal loogu heli karo arrimaha taagan.
