Waxaa weli ka socda magaalada Muqdisho Shirkii Madasha Qaran ee madaxda dowladda Federaalka iyo kuwa maamul goboleedyada dalka, iyadoo xilli dheeraad ah qaatay marka la eego waqtigii loo qorsheeyay oo ahaa laba maalmood.
Wararkii ugu danbeeyay ee shirka ayaa sheegaya in laba qodob oo adag dood ka tagaan tahay kuwaasoo kala ah:
= Sharciyadda Madaxweynaha Soomaaliya oo muddo 50 maalmood ah u baahan in xilka loo kordhiyo iyo waxa laga yeelayo.
= Qodobka labaad ayaa isna ah cidda magacaabeysa xubnaha aqalka sare ee Baarlamaanka oo ka imaanaya Somaliland iyo Gobollada Hiiraan/Shabeelaha Dhexe.
Labadan arrimood ayaa waqti dheeraad ah iyadoo ay barbar socoto tirada xubnaha Gobolka Banaadir laga siinayo Aqalka sare oo hore waqti dheeraad ah uga qaadatay madaxda Madasha (AKHRI WARKAN).
Madaxweynaha Galmudug oo maanta ku soo biiray shirka Madasha ayaa isna ka qeyb qaadanaya shirarkii ugu danbeeyay ee caawa, waxaana wararku sheegayaan in loo baahday waqti dheeraad ah.
Waxaa muuqata in waqtiga Doorashada lagu dhawaaqay iyadoo weli aan la isla meel dhigin arrimo muhiim ah, waxayna xubno shirka madasha ku sugan sheegayaan in 24 saacadood gudahood war-murtiyeed looga soo saari doonoi shirka.
Wadani.com
