Wasiirka Amniga Galmudug Axmed Macalin Fiqi ayaa afar su’aalood oo xasasi ah weydiiyey madaxweynaha xilkiisu dhammaaday ee Maxamed C/llaahi Farmaajo.
Fiqi ayaa su’aalahan u diray Oday Farmaajo in la weydiiyo, sida uu ku yiri farriin gaaban oo uu dadka la wadaagay, waxayna afarta su’aal kala yihiin:
1- Qabkii iyo Qabtii kee soo noqdey..?
2- Qof iyo Cod iyo Qof iyo Qori kee buu qabtay Odaygu?!.
3- Dimuqraadiyad iyo Dagaal kee buu dhaqan geliyey Odaygu?!
4- Qabiilkii iyo Qaranimadii kee buu soo ceshay Odaygu?!.
Xidhibaan Axmed Macalin Fiaqi aaa dhinaca kale si weyn u dhaliilay kaalinta Ra’iisal wasaaraha xukuumada xilgaarsiinta Maxamed Xuseen Rooble oo uu sheegay in laga sugayey kaalin intaan ka balaaran.
“Waxaa laga sugayey, hadal ka duwan kan wasiirkiisa amniga; waa laga sugayey laakin marnaba loogama fadhin inuu dafiro waxa keenay isku dhacyada hubaysan iyo inuu amaano ciidamo amar qaldan fulinaya oo magaalo xasiloon qalalaase ka samayanaya kuwaasoo furimihii Alshabaab laga soo bixiyey!.” ayuu yiri Axmed Fiqi.
