Dowladaha Soomaaliya iyo Suudaan ayaa kala saxiixday heshiis lagu hormarinayo iskaashiga ka dhaxeeya labada dal iyo guddiyo laba geesood ah oo ka shaqeeya.
Wasiirka Arrimaha Dibadda iyo Iskaashiga Caalamiga ah Soomaaliya Axmed Ciise Cawad iyo Wasiirka Arrimaha Dibadda Suudaan Ibraahim Ganduur ayaa kala saxiixday heshiiska horumarinta Xiriirka iskaashi ee ka dhaxeeya Dowladood.
Wasii Cawad ayaa sheegay in heshiiska ay wada saxiixdeen dhigiisa Suudaan, kaasoo tilmaamaya in la sameeyo guddiyo horumariya xiriirka iskaashiga ee Soomaaliya iyo Suudaan ka dhaxeeya.
Dhanka kale Wasiirka Arrimaha Dibadda iyo Iskaashiga Caalamiga ah ee Xukumadda Soomaaliya Axmed Ciise Cawad ayaa booqday Jaamacadda Afrika oo ah Jaamacadda ugu badan ay dhigtaan Ardayda Soomaaliyeed, waxuuna Jaamacadda kula kulmay ku-xigeenka Madaxa Jaamacadda isigoo ugu mahadceliyay sida ay mar walba Maamulka Jaamacadda shacabka Soomaaliyeed ugu garab isgaataan dhanka Waxbarashada.
