Wasiirka Arrimaha dibadda Soomaaliya Axmed Ciise Cawad ayaa ka hadlay arrinta ku saabsan warbixinta ay qortay Wargeyska New York Times ee ku saabsan in dowladda Qatar ay wax ka ogeyd qaraxyo ka dhacay magaalada Boosaaso.
Wasiir Cawad ayaa sheegay in dowladda Qatar ay soo gaarsiisay Qoraalka kasoo baxay xafiiska xiriirka Xukuumadda Qatar ee lagu beeniyay inay arrintaas wax lug ah ku leedahay, wuxuuna intaas ku daray in Qatar ay sheegtay inaysan ka suuroobin waxyeellada iyo faragelinta Soomaaliya.
Wasiirka Arrimaha dibadda Soomaaliya oo u warramay VOA-da ayaa sheegay in Safiirka dowladda Qatar ay u fadhiya Somalia Hassan Hamza ugu yimid xafiiskooda una caddeeyay inuusan aqoon ganacsadaha la sheegay inuu lasoo xiriiray, warkaasina aanu jirin, ayna ka suuroobin arrimahaas oo kale.
Wasiirka ayaan sheegin tallaabada ay qaadeyso dowladda Somaliya iyo haddii ay baaritaan sameyneyso, wuxuuna kaliya ku gaabsaday warka ay soo saartay dowladda Qatar.
