Waxaa degmada Ceelwaaq ee Gobolka Gedo maanta ka bilowday doorashada 16-ka Kursi ee Gobolka Gedo oo laga wareejiyey magaalada Garbahaarey, iyadoo ay halkaasi tageen Guddiga Doorashada Jubbaland iyo madaxda Guddiga Heer federaal FIET.
Wasiirka Waxbarashada Cabdullaahi Abukar Xaaji ayaa noqday xildhibaankii ugu horreeyay ee lagu doorto degmada Ceelwaaq, wuxuuna kusoo baxay kursiga Hop119, kadib markii musharraxii la tarmayay oo ahaa Cabdicasiis Cabdullahi Ibraahim uu u tanaasulay.
Sidoo kale Wasiirka Xannananada Xoolaha Maxamed Aadan Macalin ayaa lagu doortay Ceelwaaq, sida ay shaaciyeen Gudiga SEIT Jubbaland. Waxaa la tartamay Xasan Cabdi Axmed, waxaana kursiga tirsigiisu yahay HOP090 ku guulaystay mudane Maxamed Aadan Macalin.
Kursiga HOP065 waxaa isna ku guuleystay Xildhibaan Jibriil Cabdirashiid Xaaji oo u la tartamayey Aadan Ibraahim Isaaq, waxaana gacantaag kusoo baxay Xildhibaan Jibriil Cabdirashiid Xaaji, kadib markii uu tanaasulay musharixii la tartamayay.
Kursiga HOP102 waxaa kusoo baxay Cismaan Libaax Ibraahim, kadib markii uu helay codadka ergada, waxaa la tartamay Mustaf Maanow, sida uu shaaciyey Guddiga SEIT ee Jubbaland.
Kursiga HOP087 waxaa kusoo baxday Aamino Xuseen Cali, kadib markii ay tartank ka hartay Faadumo Ibraahim Cali oo la tartami lahayd.
Kursiga HOP0216 waxaa kusoo baxay Faarax Macalin Bishaar, waxaana ka haray tartanka Musharax Xassan Aadan Xassan, Guddiga SEIT ayaa cod gacantaag ah u qaaday, waxaana kusoo baxayXildhibaan Faarax Macalin Bishaar.
Kursiga tirsigiisu yahay HOP116 doorashadiisa ka dhacday Degmada Ceelwaaq waxaa kusoo baxday Duniyo Cismaan Yuusuf, waxaa la tartameysay Musharax Xaawo Khaliif Dubad, sida uu shaaciyey SEIT Jubbaland.
Kursiga HOP 091 waxaa kusoo baxay Cabdiqaadir Xuseen Cabdi, iyadoo uu la tartamay Musharax Cali Guurre Maxamed. Guddiga SEIT Jubbaland ayaa shaaciyey inuu kursiga ku guuleystay xildhibaan Cabdiqaadir Xuseen Cabdi.
Guddiga doorashada Heer Federaal ee FEIT oo saaka gaaray maaalada Ceelwaaq ayaa toddbaadkii hore ku dhawaaqay in sababo amni dartood aysan Garbahaarey u noqon karin goob ay doorasho ka dhici karto, iyada dhinca kale maamul Jubaland uu soo dhaweeyeen deegaan doorashada Ceelwaaq.
