Madaxweynaha Soomaaliya Xasan Sheekh Maxamuud ayaa xilalkii ka qaaday Guddoomiyeyaasha Maxkamadda Rafcaanka Gobolka Banaadir iyo Maxkamadda Gobolka Benaadir, isgoo magacaabay guddoomiyeyaal cusub..
Qoraal kasoo baxay Madaxtooyada ayaa lagu sheegay in xil ka qaadista iyo magacaabis ay timid kadib soo jeedinta Guddoomiyaha Maxkamadda Sare Baashe Yuusuf Axmed.
Madaxweyne Xasan Sheekh ayaa xilka Guddoomiyaha Maxkamadda Rafcaanka Gobolka Banaadir u magacaabay Siciid Cali Maxamed oo ku takhasusay Shareecada iyo Qaanuunka. Sidoo kale, wuxuu Guddoomiyaha Maxkamadda Gobolka Benaadir Saalax Cali Maxamuud.
Magacaabistan ayaa timid 24 saac kadib markii baraha bulshada lagu faafiyey hambalyada loo dirayo xubnaha la magacaabay oo magacaabistooda la sii ogaa.
Xeerkan Madaxweyne oo ku saleysan Sharciga Nidaamka Garsoorka lambar 3, soona baxay 12 Juun 1962, ayaa dhaqan galay ka dib faafinta rasmiga ah ee maanta oo ku beegan 20-ka Bisha Oktoobar 2022.
Xasan Sheekh ayaa dhowaan baab’iiyey magacabistii Farmaajo ee xubnaha Guddiga Adeegga Garsoorka, kaasoo leh awooddda magcaabista, kormeerka iyo dalacsiinta Garsoorayaasha Maxkamadaha.
