Xildhibaan Daahir Amiin Jeesow wuxuu ka mid yahay xildhibaannada ugu afka dheer Baarlamaanka Soomaaliya, waxaana lagu tilmaamaa “Online” oo macnaheedu yahay inuu xili kasta ku jiro la hadalka warbaahinta, saacad kasta oo weriye la soo xiriirana uu diyaar u yahay inuu u hadlo kooxda uu markaa la jiro isla markaana difaaco fekerkiisa.
Muddodyinkii ugu danbeeyay wuxuu ku kacsanaa Wsaiirka arrimaha gudaha iyo federaalka C/llaahi Goodax Barre oo ay isku gobol kasoo jeedaan, wuxuuna ka carooday guddoomiye ku xigeeno loo magacaabay Gobolka Sh/Dhexe. Kadib markii uu soo shaac baxay khilaafka siyaasadeed ee madaxda dowladda waxaa durba la arkay Xildhiaan Daahir Jeesow oo hormuud u ah mooshinka ay wadato kooxda taageersan madaxweynaha isla markaana ah afhayeenkooda iyo mishiinka dhaqaajiya marka laga reebo dhowr xildhibaan kale oo aanu uga hadlay qormadeenii hore halkan Guji.
Dad badan ayaa is weydiinaya waxa Daahir Jeesow ugu jira ololahan siyaasadeed ee faa’iido ah iyo halka uu kaga soo biiray kooxda madaxweynaha iyo xisbigooda? Wadani.com ayaa baaritaan dheer kadib soo heshay in Xildhibaan Jeesow aanu ka mid ahayn xisbiga madaxweynaha laakiin dan dhaqaale oo weyni ka dhaxeyso. Kooxda madaxweynaha ayaa ugaarsata xildhibaannada muuqda iyo kuwa afkooda aan laga baxsan waxaadna moodaa inay asiibeen markii ay dhaqaale ku soo xero geliyen xildhibaankan halista ah.
Kooxda madaxweynaha waxay Xildhibaan Jeesow kula wareegeen:
[blockquote style=”4″]Inuu keensado wasiirka Beeshiisa uga mid noqonaya xukuumadda, kan hadda wasiirka ahna sidaasi ayuu ku yimid, wuxuna heystaa balanqaad sii socon doona ilaa xukuumadda cusub.[/blockquote]
[blockquote style=”4″]Qodobka ugu darran ee Xildhibaan Jeesow ka dhigay inuu hormuud u noqdo Mooshinkan cusub ayaa ah dhaqaale ay siiyeen kooxda madaxweynaha (oo dabcan aanan dooneynin inaan halkan ka sheegno). Dhaqaalahaas wuxuu Xildhibaan Jeesow ugu baahnaa dhismaha guri qabyo ka ahaa oo magaalada B/weyne uu ka dhisanayo.[/blockquote]
DHOWAAN XILDHIBAANNO IYO XUBNO KALE FILO
Wadani.com
London
[ad name=”HTML”]
