Xildhibaannada taageersan Guddoomiyaha Baarlamaanka ayaa shir ay ku yeesheen magaalada Muqdisho waxay kas oo saareen baaq ay u direen madaxweyne Maxamed C/llaahi Farmaajo.
Xildhibaannadan oo sheegay inay gaarayaan 100 ayaa sheegay inay shirkooda kadib qabtay shir jaraa’id waxayna madaxweynaha oo arrinta soo farageliyay sheegeen in loo baahan yahay inuu arrinta xaliyo sidii uu u baajiyey shirkii Sabtida.
Waxay ka digeen in koox ka mida Baarlamaanka ay shir yeeshaan Arbacadda, taasoo lagu bedelayo kulankii Sabtida, waxayna sheegeen in arrintaasi ay xiisad ka weyn tii hore dhalin karto, iyagoo si weyn u dhaleeceeyay guddoomiye ku xigeenka koowaad ee Baarlamaanka C/weli Muudey.
Waxay xukuumadda Ra’iisal wasaare Kheyre iyo C/weli Muudey ku eedeeyay inay sii wadaan abaabulkii sharci darrada ahaa ayna dalka ku wadaan qas siyaasadeed, ayna suuragal ahayn in madaxtooyada ay ka aamusto.
