Wararka naga soo gaaraya Degmada Cadaado ayaa sheegaya in maamulka Ximan iyo Xeeb uu ku dhawaaqay inuu ka baxay shirkii uu marti gelinayay ee maamulka u sameynta Gobolada dhexe kadib markii ay saluugeen qaabka shrika u socdo iyo howsha uu halkaasi ka wado Wasiirka arrimaha gudaha dowladda Federaalka C/raxmaan Odowaa.
Odayaasha Ximin & Xeeb ayaa go’aan ku gaaray inay ka baxaan shirka mar hadii ay ku qanci waayeen sida ay ku socoto qeybinta ergooyinka. Beesha shirka marti gelineysa ayaa iyadu ergadeeda xareysay laakiin xaalad aad u kacsan ayaa la sheegay inay abuureen qaar kamida maamulka Ximan iyo Xeeb iyo ciidamadooda oo si gaar u doonayay inay maamul ahaan ku helaan ergo ama wax kale loogu bedelo.
Afhayeenka Maamulka Ximan Iyo Xeeb ayaa u sheegay inay ku qaadan waayeen qorshaha uu wado wasiirka Arimaha Gudaha ee Xukumada Soomaaliya C/raxmaan Maxamed Xeseen Odawaa oo halkaasi waanwaan ka dhex waday beelaha iyo dhinacyada isku haya.
Wararkii ugu danbeeyay ayaa sheegaya inay arrintan ku kooban maamulkii Ximan iyo Xeeb xubno ka mida ay socdaan dadaalo lagu qanciyo iyadoo shirku ku dhow yahay inuu furmo, marka laga reebo beelo dhowr ah oo arrintooda ay socoto sidii loo xalin lahaa.
Wadani.com
[ad name=”HTML-1″]
[ad name=”HTML-6″]
