Kulan uu xisbiga UPD ee uu hoggaamiyo madaxweynihii hore ee Soomaaliya ku qaban lahaa magaalada Baydhaba ayaa la joojiyey markii maamulka K/Galbeed uu amar ku bixiyey inaan la qaban karin kulankaasi.
Kulankan oo ahaa AQOON IS-WEYDAARSI ayaa ka dhici lahaa hotelka Horyaal ee magaalada Baydhaba, waxaana hoggaaminayey oo khudbad ka jeedin lahaa xoghayaha Xisbiga Midowga nabadda iyo Horumarka ee UDP Xuseen Sheekh Maxamuud oo ah senator ka tirsan Aqalka Sare.
Farriin cudurdaar ah oo uu dhigay bartiisa facebook ayuu senator Xuseen ku yiri: “Dhamaan Bulshada Koonfur Galbeed ee Baydhabo waxaan ka raali gelinaynaa inuu baaqdey Kulankii Aqoon kororsiga ahaa ee galabta ka dhici lahaa Hoteelka Horyaal. Kulanka waxaa sababta baajintiisa lahaa Maamulka Koonfur Galbeed..”
