Ra’iisal wasaaraha cusub ee dowladda KMG ah Cumar C/rashiid Cali Sharma’arke ayaa la xaqiijiyay inuu laalay liiskii xubnaha Golaha wasiirada cusub ee uu soo diyaariyay madaxweynaha ayna soo gaarsiiyeen la-taliyaha madaxweynaha C/kariin Xuseen Guuleed iyo Agaasimaha Madaxtooyada Cali Cumar (Cali Balcad) Talaadadii hore (Akhri Liiska oo Wadani.com baahisay).
Kulamo muddo dheer qaatay oo dhex maray Madaxweynaha iyo Ra’iisal wasaaraha labadii maalmood ee ugu danbeysay ayuu Cumar C/rashiid ugu caddeeyay madaxweynaha in liiskaasi uu yahay mid aan soconeynin, isagoo weydiiyay in liisku yahay talo soo jeedin inuu yahay talo go’an oo kama danbeys ah.
Madaxweyne Xasan Sheekh ayaa la sheegay inuu ugu jawaabay in liisku yahay aragti iyo fududeyn magacaabidda Golaha wasiirada, maadaama waqti badan lumayo, taasoo keenay in Cumar C/rashiid liiskaasi meesha ka saaro, una sheego madaxweynaha inuu dhisayo xukuumad lagu mideysan yahay.
Wararka Wadani.com ka heleyso Xafiiska Ra’iisal wasaaraha ayaa sheegaya in Ra’iisal wasaaraha ka go’an tahay inuusan qaadan liis ay qoreen wasiiro saxiibo la ah madaxweynaha oo adeegsanaya awoodda madaxweynaha, wuxuuna madaxweynaha la wadaagay inuu tixgelinayo khilaafka iyo kala qeybsanaanta ka dhalatay mooshinkii lagu riday ninkii xilka uga horeeyay (Akhri Faaladda Wadani.com ka qortay xaalada heysatay CCC).
Madaxweyne Xasan Sheekh iyo la-taliyeyaashiisa oo talo ku caddaatay ayaa kulamo dheeraad ah uga socdaan madaxtooyada kadib markii rabitaankooda la marsiin waayay Ra’iisal wasaaraha cusub, lamana oga tallaabada xigta oo ay qaadi doonaan.
Wadani.com
Muqdisho
[ad name=”HTML”]
