Waxaa heshiis iyo is-afgarad ah dhowaan gaaray Guddoomiye yaasha labada Aqal ee Baarlamaanka Federaalka Soomaaliya, kadib khilaaf muddo dheer ka dhex taagnaa oo madaxweynaha uu ku guuladarreystay inuu heshiisiiyo.
Is-fahamka hoggaanka labada aqal ee Baarlamaanka ayaa xog ay heshay Wadani sheegeysaa inuu ahaa mid ay kasoo shaqeeeyaan guddoonka labada dhinac oo aanu wax lug ah ku lahayn Madaxweyne Farmaajo, wuxuuna heshiisku dalka ku hayaa in labada dhinac ay ka wada shaqeeyaan arrimaha Doorashada dalka oo ay dhinac iska dhigaan khilaafkii u dhaxeeyay inta ka dhiman mudadda xil heynta Baarlamaanka iyo dowladda hadda jirta.
Heshiiska labada guddoon ee labada Aqal ayaa xalay lasii kordjiyey iyadoo la gaarsiiyey labada Guddi ee joogtada ah ee labada Aqal oo kulan wadajir ah yeeshay, kuna heshiiyay wada-shaqeyn, waxaana hadda sameysmay isbaheysi ka dhan ah qorshaha Doorashada ee Madaxweyne Farmaajo ee 2020-ka oo ku dhex jira hindise sharciyeedka Doorashada ee Golaha Wasiirada ansixiyey.
Madaxweyne Farmaajo aya caleemo saarkii Madaxweynaha Puntland ee magaalada Garowe Janaayo 2019 ka sheegay in khilaafka u dhaxeeya labada Aqal ee Baarlamaanka uu yahay mid aad u adag, isaguna uu dal u gelayo inuu heshiisiiyo, laakiin waxaa la ogaaday in madaxweynaha aanu daacad ka ahayn heshiisiinta labada Aqal, taasoo ugu danbeyn keentay inay iyagii heshiiyaan markii madaxweynaha door biday inay kala taagnaadaan.
Isbaheysiga cusub ee guddoonka labada Aqal waxa ka maqan oo dhinaca madaxweynaha u janjeera guddoomiye ku xigeenadal abaad ee labada aqal, waxaana hadda uun bilowday ololaha doorashada 2020/2021 ee mas’uul kasta ugu jiro inuu dib u soo laabto.
