Wasiirka Wasaaradda WaxbarashadaXukuumadda Federaalka Soomaaliya Faarax Sheekh Cabduqaadir ayaa maanta shaaciyay in la joojiyay lacagihii laga qaadi jiray ardayda qaadaneysa Shahaadada Dugsiga Sare oo ay bixiso Wasaaradda Waxbarashada.
Wasiirka ayaa sheegay inuu gebi ahaan joojiyey lacagta Shahaadda Dugsiyada Sare oo markii ugu danbeysay gaartay $30 iyo ka badan, isgoo sheegay in kaliya ay bixin dooonaan Ardayda Lacagta Wasaaradda Mmaaliyadda oo ah $5.
“Maadaama Shahaadada iyo Imtixaanka ay yihiin howl ay qabaneyso Wasaaradda Waxbarashada, laga bilaabo maanta Wasaaradda Waxbarashada wax kharash ah kama qaadi doonto Ardayda qaadaneysa Shahaadada Dugsiga Sare” ayuu yiri Wasiir Faarax Cabduqaadir oo dadka ugu baaqya inaysan lacago laaluush ah ku bixin howl fududeyn.
Xogta la helay ayaa sheegeysa in Lacagta lagu qaadi jiray magaca Shahaadadda uu soo rogay wasiirkii hore ee Waxbarashada C/llaahi Goodax Barre, iyadoo xilligaasi qiimaheedu ahaa mid hooseeya, waxaana heshiis lagu siiyey Shirkad gaara oo bilowday inay 15 Dollar ku qaadato Shahaado kasta oo ay sameyso, iyadoo lacagtu siyaabo kale markii danbe u sii korortay.
Qalabka Daabacaadda Shahaadadda oo xilligii dowladii KMG ahayd la keenayWasaaradda, ayaan la ogeyn meel uu ku danbeeyay, waxaana Wasaaradda laga rabaa inay bixiso kharashaadka Daabacaaddda ama ay la timaado Qalabka lagu daabaco.
Xilligii kala guurka ayay ahayd markii Wasaaradda Waxbarashda ay shaacisay inaan wax lacag ah loo heynin imtixaanka dowladda 2021/2022, taasoo keenay inuu soo farageliyo Madaxweyne Xasan Sheekh oo markaas uun la doortay.
