Waxaa maalinta Berri ah 15-ka Maarso 2021 ka furmi doono xarunta Maxkamadda ICJ ee magaalada Hague dalka Netherland, dhageysiga dacwada Kiiska Badda ee Somaliya iyo Kenya, iyadoo Kenya ay go’aansatay inay ka baaqsato.
Kenya aya qoraal ay u dirtay Maxkamadda Cadaaladda ee ICJ ku sheegtay inaysan u diyarsaneyn ka qeybgalka dacwadda xaalado ka dhashay Cudurka safmarka ah ee Covid-19 awgeed, waxayna arrintan fursad u noqon kartaa Soomaliya oo la dhageysanayo keligeed.
Haddaba Qareennada Soomaaliya ka difaacaya kiiska Dacwadda Badda ayaa ah isla kuwii hore usoo waday kiiskan, waxayna kala yihiin Qareennada waxay kala yihiin Paul Riichler, Prof. Philippe Sands iyo Prof. Alain Pellet.
Waxaa ka maqan oo si weyn loo tebayaa Qareenadii Soomaaliyeed ee Muna Sharmaan oo dood weyn ka dhalatay sida ay uga hartay dacwadda, laakiin dowladda Federaalka ayaa sheegtay inay iyadu ka tagtay markii ay shaqo ka heshay Bankiga Adduunka.
Qareennada Difaaca Soomaaliya waxay kala yihiin:
Qareennada difaacaya dacwada badda ee Soomaaliya waxay u kala dhashay dalalka Mareykanka, Ingiriiska iyo Faransiiska, waxayna ka socdaan shirkadda Qareenada caalamiga ah ee Foley Hoag.
1. Paul Riichler: Waa abuukaate caalami ah, oo fadhigiisu yahay Washington, D.C, kana soo baxay Harvard Law School, J.D., cum laude 1973 iyo Jaamacadda Tufts, B.A. 1969, wuxuuna ku hadlaa Spanish iyo English.
2. Prof. Philippe Sands: Waa 58 jir fadhigiisu yahay London, wuxuu ka baxay Jaamacadda Harvard Law School iyo Corpus Christi College, sidoo kale waxaa uu wax ka dhigaa University College London iyo jaamacado kale oo Mareykanka, Canada, Faransiiska iyo Australia ah.
3. Prof. Alain Pellet: Waa Oday 72 jir, waa Abuukaate Faransiis ah, wuxuu Barre ka yahay Jaamacadda Université de Paris Ouest – Nanterre La Défense, waxaa uu in badan lataliye u ahaa dowladda Faransiiska.
Dowladda hadda jirta ayaa markii ug horeysay kooxda Soomaalida ku dartay siyaasiga Ra’iisal wasaare ku xigeenka Mahdi Maxamed Guuleed oo sharci yaqaan ah. Kooxdii ugu danbeysay ee loo diray magaalada Hague waxaa lagu soo daray xeer ilaaliyihii hore Axmed Cali Daahir iyo Yuusuf Garaad.
Kiiska Badda ayaa hadda wajahaya xaalad cusub markii ay Dowladd Kenya qaadacday inay ka baaqsato dhageysiga dacwadda ee Maxkamadda ICJ, iyadoo ay waqti dheer qaadaneyso go’aan kasoo baxa Maxkamadda, isla markaana aysan jirin cid guul sheegan karta xilligan.
AKHRISO WARAR LA XIRIIRA:
