Wasiirkii hore ee Arrimaha dibadda Somalia Yuusuf Garaad Cumar oo si dhow ula socday dacwadda xuduudka badda ee Soomaaliya iyo Kenya ayaa ka deyriyey sida dowladda Somalia u maamuleyso Kiiska, isagoo ka hadlay arrimo mugdi ku jiro oo aanay dowladdu ka hadlin, dadkana la wadaagin.
Yuusuf Garaad ayaa sheegay in dowladdaa ay bulshada war sugan ka siin jirtay xilliga la tegayo Maxkamadda ICJ, ergada, goorta & inta la joogo siday wax u socdaan, laakiin ay hadda dhacday in muddo laba jeer ah arrimo dhacay suuqa laga ogado, kadibna ay Dowladdu u xaqiijisay.
“Waa MarkiiUguHorreysay ee siyaasi ka mid noqdo ergada Somalia..” ayuu yiri Yuusuf Garaad oo tilmaamay, balse aan magacaabin Ra’iisal wasaare ku xigeenka Soomaliya, wuxuuna muuqaalkeeda soo qaatay haweeney caan ku ahayd difaaca badda Soomaaliya, kana tirsaneyd Qareenada difaacayey Soomaaliya oo dowladda Somalia la sheegay ka saartay Qareenada, taasoo lagu magacaabo Muna Sharmaan.
“ICJ laba jeer ayay dib u dhigtay dhegeysiga wareegga 2aad ee dacwadda Somalia ay 2014 ka geysay Kenya. Dib-u-dhigga Kenya ayaa dalbatay. Ma jiro xilli Somalia uga xun madasha June 2020. Waa xilli olole doorasho. Sidaa waa ay og yihiin Kenya, qareennada labada dhinac & Garsoorayaashu..” ayuu farriin kale ku yiri Yuusuf Garaad oo muujiney inay xaalad adag gashay dacwadii Badda ee Somalia iyo Kenya.
