Ciidamada Amaanka iyo Booliska AMISOM ayaa howgal balaaran saaka ka fuliyay Degmada Xamarweyne ee Gobolka Banaadir iyadoo guri guri loo galay degmadaasi lana soo ururiyay dad gaaraya ilaa 500 ruux ah kuwasoo la geeyay saldhiga degmadaasi si loogu kala sooco.
[ad name=”HTML-2″]
Howlgallada noocan ah ee dadka faraha badan lagu qabto iyadoon loo meel dayin (mass arrests)Â Â waxay ahaayeen xaalad dadweynuhu karaahsadeen oo Muqdisho ay soo maray xilliyo aan dheereyn, waxaana lagu xusuustaa inaysan waxba ku soo kordhin ammaanka caaasimadda marka laga reebo in dad fara badan oo aan denbi lahayn lagu tadaciyo.
Howlgalka saaka ee degmada Xamarweyne wuxuu ka danbeeyay kadib markii degmada deriska la ah ee Xamarjajab shalay lagu dilay Xildhibaan ka tirsan Baarlamaanka. Waxaa muwaadiniinta Soomaaliyeed xadgudub aan la qaadan karin ku ah in saf mar  loo soo ururiyo kadibna qoraxda lasoo tubo oo saxafiyiin loogu yeero si ay sawiro uga qaataan. Falka noocaasi ah kuma haboona shacabka muwaadiniinta ah iyo xuquuqdooda bani’aadamnimo. Guddoomiyeyaasha degmooyinka, wasaaradda arrimaha gudaha iyo xukuumadda cusub waa inaysan aqbalin in la dhibaateeyo shacabka oo sidaas loogu tunto xuquuqdooda.
Muwaadiniinta Soomaaliyeed ee reer X/weyne iyo Muqdisho waa u samri karaan shaki la’aan ammaanka Qaranka  dartiis haddii howlgalku yahay mid madi ah oo arrin loo qaateen ah lagu daba jiro; waana uga tanaasuli karaan mararka qaarkood xuquuqdooda iyagoo danta guud hor marinaya…. laakin lama aqbali karo in shaqo laga dhigto boqolaal shacab ah oo nooc kasta leh  in la iska urursado iyadoo bar tilmaadeed cayiman jirin. kadibna sida xoolaha barxad laga buuxiyo dushoodana sawiro laga qaato askar iyo saxafiyiinba. Arrimaha noocan oo kale ahi waxay sii kala fogeynayaan shacabka iyo dowladda.
GOOBJOOGE.COM
Muqdisho
[ad name=”HTML”]
