Dowladda Soomaaliya ayaaa isbedel ku sameysay amniga caasimadda iyo ciidamadii ku howlanaa iyadoo ciidamadii xasilinta lga qaaday, isla markaana lagu bedelay ciidamo milateri ah.
Isbedelkan ayaa waxaa amarkiisa bixiyey Madaxweyne Maxamed Cabdullahi Farmaajo kadib kulamo dhex maray Guddiga Amniga, waxaana ciidamada xasilinta laga saaray magaalada iyadoo la filayo in la kala diri doono, waxaana bedelkooda amniga magaalada Muqdisho lagu wareejiyey ciidamada Milateriga gaar ahaan Guutada 14-ka Octoober oo la sameeyay kadib qarixii Soope ee sanadkii hore.
Ciidamadan ayaa lagu arkay Isgoysyada magaalada Caasimadda iyo Koontaroolka Afgooye iyo wadadda isku xirta Muqdisho iyo Afgooye, waxaana koontroolada ay lawareegeen ilaa ka mida:n Siinka-dheer, xerada Maslax, Galgalato iyo kontroolada kuyaala wadada warshadaha sidoo kale kontroolada kale ee gudaha magaalada ku yaala ayaa lagu wadaa in maanta iyo berri ay la wareegaan sida la sheegay.
Madaxweyne Farmaajo ayaa shalay la kulmay ciidmada guutada 14ka Octoober kuwaasi oo ku dhiira geliyay inay sugaan amniga magaalada caasimada ah ee Muqdisho kadib beryahaan dambe ah oo ay dhacayeen falal amni daro.
Guutada 14ka Octoober ayaa ah Ciidamo katirsan Milatariga Soomaaliya kuwasi oo la aasaasay kadib qaraxii weynaa ee ka dhacay isgoyska zeoobe ee magaalada Muqdisho 14 kii octoober 2017 ayaan la ogeyn waxa ay ku soo kordhin doonaan amniga caasimadda iyadoo tababarkoodu kooban yahay.
