Wararka laga helayo magaalada Muqdisho ayaa sheegaya in ciidamo fara badan la dhoobay wadooyinka magaalada iyadoo la xiray qaar ka mida wadooyinka waaweyn.
Ciidamo isugu jira kuwa milateriga iyo ciidamada xasilinta oo wata gaadiidka dagaalka ayaa la geeyay wadooyinka Black Sea, Jidka Warshadaha, Tarabuunka, KPP, qeybo ka mida Wadadda Maka Almukarama. Dadweynaha ayaa lugeynaya iyadoo loo diiday gaadiidka oo dhan.
Waa ciidamadii ugu badnaa ee lagu arko magaalada, waxayna ku soo beegmeen iyadoo Baarlamaanka Federaalka uu maanta ka doodayo kiis xiisad ka taagan tahay oo ku saabsan sarkaal ka tirsan ONLF oo dowladda Soomaaliya u gacan gelisay Itoobiya.
Wararka qaarkood ayaa sheegaya inuu jiro qorshe Madaxweyne Farmaajo ku booqanayoarunta Wasaaradda Gaashaandhigga ee magaalada Muqdisho.
Wadani
