Baarlamaanka Soomaaliya ayaa maanta dib u dhigay cod loo qaadi lahaa mooshinka Jubooyinka oo doodiisu ka socotay fadhiga Baarlamaanka kadib markii uu buuxsami waayay kooramkii xildhibaanada oo qaar badan ay ka tageen xarunta Baarlamaanka sabab aan la ogeyn.
Sidoo kale Wasiirka arrimaha gudaha iyo Federaalka C/raxmaan Odowaa oo la filayay inuu maanta hortago baarlamaanka si su’aalo looga weydiiyo arrimaha maamulka Jubba iyo Baarlamaanka KMG ah ee loo dhisay maamulkaasi oo muran ka tagan yahay ayaa ka baaqsaday inuu Baarlamaanka tago, wuxuuna Baarlamaanka u soo diray codsi ay in dib loogu dhigo arrintaasi howlo shaqo oo ku furan dartood.
Guddoonka Baarlamaanka ayaa isku dayay inuu intaas kadib cod u qaado mooshinka, laakiin waxaa la waayay kooramkii, waxaana guddoonka Baarlamaanka uu dib u dhigay cod u qaadista mooshinka Baaralmaanka KMG ah ee Jubba maalinta Sabtida ah ee toddobaadka danbe.
Wadani.com
[ad name=”HTML-1″]
[ad name=”HTML-6″]
