Dowlada Soomaaliya ayaa sheegatay inay iyadu bixisay xogtii lagu duqeeyay Xeradii Alshabaab ee Raaso oo Mareykanku sheegay inay ku dileen 150 dagaalyahan oo Alshabaab ka tirsan.
Wasiirka arrimaha dibadda Soomaaliya C/salaan Hadliye Cumar oo ay soo xigatay wakaalada wararka ee Reuters ayaa sheegay in hay;adaha sirdoonka Soomaaliya ay siiyeen Mareykanka xogta ku saabsan xerada la duqeeyay, wuxuuna intaas ku daray in wadashaqeyn ay leeyihiin Mareykanka iyo dowladda Soomaaliya.
Afhayeenka Wasaaradda Gaashaandhigga Jeff Davis ayaa xalay shaaciyay in diyaaradaha dagaalka Mareykanka oo isugu jira diyaaradaha aan cidna wadin ee Drone-ka iyo kuwa diyaaradaha dagaalka caadiga ah ay ku dileen xerada maleeshiyo gaareysa 150 maleeshiyo.
Waxaa magaalada Muqdisho ku sugan saraakiil ka tirsan ciidamada sirta Mareykanka oo la shaqeeya ciidamada AMISOM iyo kuwa dowladda Federaalka Soomaaliya.
Wadani.com
