Kacdoon looga horjeedo Gudiga farsamada shirka maamul u sameynta gobolada dhexe iyo guddoomiyaha guddigaasi haweeneyda lagu magacaabo Xaliimo Ismaaciil Ibraahim (Xaliimo Yarey) ayaa ka socda degmada Cadaado ee uu ka socdo wejigii labaad ee shirka maamul u sameynta gobolada Mudug iyo Galgaduud.
Xaliimo ayaa ka mid ahayd Soomaalida qurba joogta ah iyo xubnaha bulshada rayidka ah, waxayna si weyn ugu soo shaac baxday xulitaanka baarlamaanka Federaalka ee hadda jira oo ay ka mid ahayd guddi awood u leh inuu soo xulo, shuruudaha xubinmimada Baarlamaakana u fiiriyo xubnaha ka mid noqonaya Baarlamaanka. Hadda waxay ka mid tahay xubnaha Guddiga doorashooyinka 2016-da oo aanu weli Baarlamaanku ansixin.
Kadib murankii maanta ka dhashay qeybinta Dastuurka maamulka gobolada dhexe, isla markaana gacan-ka-hadal ka dhaxay shirka dhexdiisa ayaa ergo badan ayaa cadeeyay inaysan ogolaan karin qaabka ay wax u wado guddoomiyaha guddiga farsamada shirka Xalimo yarey, waxayna ku hanjabeen in guddiga ay madaxda u tahay ay kala wareegayaan shirka, isla markaana weji cusub ay u yeeli doonaan shirka haddii ay faraha kala bixi weydo afduubka ay ku heyso ergada shirka.
Xaalad kacsan ayaa ka dhalatay awoodda ergada u leedahay inay ka doodo dasuurka Qabyo-qoraalka ah oo ay wax ka bedelaan ama wax ku dari karaan, balse Xaliimo yarey iyo guddigeeda ayaa u cayimay ergada inay heystaan muddo todobaad ka yar oo ay ku ansixiyaan dastuurka iyagoo aan ka doodi karin arrimo badan oo ahaa kuwii ugu muhiimsanaa, waxayna ergada taasi uga jawaabeen diidmo iyo buuq ay ka dhigeen madasha shirka.
Shirka Cadaado oo soo maray heerar kala duwan oo is heysad ah ayaa si dirqi ah ugu gudbay wejigiisa labaad, waxaana mar waliba jiray eedo laga tabanayo guddiga farsamada shirka ee dowladda Federaalka ay sameysay, laakiin waxaa hadda muuqata in shirku soo gaaray meel xasaasi ah oo aanay dowladdu sii xakameyn karin shirkani.
Dhageyso Cabashada ergada shirka (Radio Kulmiye)
Wadani.com
[ad name=”HTML-1″]
[ad name=”HTML-6″]
