Dowladda Soomaaliya iyo Hay’adaheeda amniga ayaa sheegtay inay ka hortagtay oo fashilisay Gaari laga soo buuxiyay waxyaabaha qarxa oo lagu waday in lasoo geliyo Muqdisho.
Warka hore ee gaarigan oo shalay gelinkii danbe soo baxay ayaa lagu sheegay inuu Gaariga la qabtay, laakiin faahfaahin dheeraad ah oo lag helay dadka degaanka Ceelasha ayaa caddeyneysa in gaarigaasi uu muddo dheer oo Bil ka badan ilaa Ramadaankii uu goobtaasi yaallay.
Gaarigan oo ahaa nooca CAMAREY ayaa ciidamada dowladda ay sheegeen inay ka heleen waxyaabaha qarxa oo ay ka furfureen, mana jirin cid loo soo qabtay oo gaariga wadatay.
Dadka degaanka ayaa sheegay in gaariga ay meel u dhow ku ganacsan jireen dadka oo aanay waxba kala socon qaraxyada saarnaa, waxaana goobta ka dhowaa ciidamada dowladda oo muddadaasi aan ku baraarugin.
Waxaa arrintan siyaabo kala duwan uga hadlay Afhayeenka Wasaaradda Amniga, Wasiirka Warfaafintai iyo mas’uuliyiin kale. Madaxda isaga danbeeyay dowladda Soomaaliya ayaa aad u jecel inay ka hadlaan guulo iyo qaraxyo la fashiliyay, xitaa marka ay dhacdo inay dad ku dhintaan.
Wadani
