Guddiga Doorashooyinka Heer Federaal ayaa diiday ansixinta KMG ah ee natiijada kasoo baxday doorashadii Kursiga uu hakiyey ee HOP103, kaasoo uu kusoo baxay wasiir ka tirsan Mamulka K/Galbeed.
Guddiga Doorashada Heer Federaal ayaa hakiyey kursigan oo inuu u tartamo loo diiday Guddoomiyihii hore ee Golaha Shacabka Prof. Maxamed Sheekh CUsmaan (Jawaari), lakiin waxa go’aankaasi ku gacan seryay oo doorashadii qabtay Guddiga Doorashada maamulka K/Galbeed oo ka amar qaata Madaxweyne C/casiis Lafta-gareen.
Gudiga Doorashada heer federaal ayaa shaaciyey natiijada 3 kursi oo shalay lagu doortay magaalada Baydhaba, balse wuxuu meesha ka saaray natiijada kursiga Hop#103 oo dacwad ka furan tahay, taasoo ka dhigan inuusan aqoonsaneyn doorashasdii dhacday.
Kursiga muranku ka taagan yahay ee HOP#103 waxaa kusoo baxay Maxamed Cali Xasan oo ahaa Wasiirka Wasaarada Howlaha Guud Koonfur Galbeed, kaasoo uu watay Madaxweynaha K/Galbeed, kaasoo helay 78 cod.
Maamulka Koonfur Galbeed ayaa sii wada doorashada Golaha shacabka, waxaana maanta 29 November 2021, magaalada Baydhaba lagu dooranayaa, kuraasta kala ah:
HOP#154 oo Afartii sano ee la soo dhaafay ay ku fadhiday Sareeda Maxamed Cabdalla
HOP#213 oo Baarlamaankii 10-aad uu ku fadhiyy Yacquub Cali Maxamed
HOP#180 oo ahaa kursi uu ku fadhiyey Xildhibaan Daahir Cabdi Cabdulle (Dr. Go),balse ka haray inuu u tartamo
iyo HOP#193 oo uu ka geeriyooday AUN Maxamuud Maxamed Boonow.
