Guddoomiyaha Gobolka Banaadir Yuusuf Xuseen Jimcale ayaa amarro culus ku soo rogay shirkadaha Gobolka Banaadir ee bixiya adeegyaa Korontada iyo Biyaha.
Gudoomiye Boorsaani ayaa caddeeyay inaan la aqbalin karin in Shirkadaha Korontada iyo Biyaha bixiya ay lacago ka qaadaan dadka barakacayaasha ee abaaraha soo qixiyeen, ayna tahay arrin sharciga ay la tiigsan doonaan.
“Shirkadaha biyaha ee Gobolka Banaadir waxaan ku amrayaa inay biyo la garaan dadka barakacayaasha ah, mana aha wax la aqbali doono in shirkadaha biyaha ay 3000 shilin Somali ah Jiirgaankii ku iibiyaan iyagoo ka macaashaya dadka barakayacasha” ayuu yiri Guddoomiyaha.
Wuxuu kaloo ku amray shirkadaha Korontada bixiya inay si lacag la’an ah ku bixiyaan korontada oo aysan ka iibin dadka Barakayaasha ah.
Amarkan ayuu Guddoomiyaha Gobolka Banaadir bixiyay xilli uu maanta deeq ka gudoomiyay qaar ka mida shirkadaha ganacsiga ee Gobolka Banaadir.
Wadani.com
