Guddoomiye ku xigeenka koowaad ee Aqalka Sare Abshir Maxamed Axmed (Bukhaari) ayaa ku eedeeyay madaxweynaha waqtigiisu dhammaaday ee Maxamed C/llaahi Farmaajo inuu ku tuntay Dastuurka dalka, isagoo og Dastuurka dalka inuu qeexayo dhsmaha Guddiyada madaxda bannaan.
Abshir Bukhaari ayaa qoraal uu ku weerarray Farmaajo ku yiri: “Waa kan Farmaajo oo mar kale ku tumanaya Dastuurkii dalka oo sheeganaya in guddi ka mid ah guddiyada madaxabannaan uu ‘wareegto’ ku soo saaray isaga oo og in Dastuurku KMG ahi Qod.112aad uu qeexayo habraaca lagu magacaabayo guddiyada madaxa bannaan”
Guddoomiye ku xigeenka Aqalka Sare ayaa jawaab ka bixiyey xeer uu saxiixay oo ku saabsan magacaabidda 7 xubnood oo ka mida Golaha Adeegga Garsoorka, iyadoo xilliga la shaaciyey xeerkaasi iyo taariikhda ku qoran ay is khilaafsan yihiin. (Halkan ka akhriso), wuxuuna ku tilmaamay in xeerkaasi uu yahay : “Hadoof & sharci daro”.
Xeerkaasi waxaa si adag uga hor yimid Guddoomiyaha Aqalka sare oo qoraal dheer ku faafhaahiyay in Farmaajo uu ku xadgudbay sharciga iyo Dastuurka loo maro dhismaha Golaha Addeegga Garsoorka. (Halkan ka akhri).
