Ilhaan Cumar ayaa si rasmi ah loogu dhaariyey xubin ka mida mudanayaasha Aqalka Wakiilada ee Koongareeska Mareykanka , kana tirsan xisbiga Dimoqraadiga labada sano ee soo socota.
Ilhaan waxa ay ka mid noqoneysaa Koongareeska 116-aad ee dalkan Maraykanka. Dadka Muslimka ah iyo Somaalida Maraykanka ayaa si weyn usoo dhaweeyey guusha ay Ilhaan gaartey, waxayna taariikh weyn ka dhigtay dalka Mareykanka iyadoo noqotay haweeneydii ugu horeysay ee muslim ah, haddana xijaab xiran oo ka mid noqota Koongareeska Mareykanka.
Waxay Ilhaan jebisay sharci 100 sano ka badan ka jiray koongareeska oo ku saabsan inaan madaxa la dabooli karin, kasoo wixii hadda ka danbeeya meesha laga saaray, waxaana si weyn arrintan uga hadlay saxaafadda dunida.
HOOS KA DAAWO SAWIRRO XUL AH
