Madaxweynaha Soomaaliya Maxamed C/llaahi Farmaajo ayaa dhammeystiray magacaabidda Garsooreyaasha Maxkamadda Sare ee dalka.
Shalay ayey ahayd markii Madaxweynaha uu wareegto ku magacaabay 4 Garsoore oo ka tirsan Maxkamadda sare ee dalka, waxaana hadda magacaaban 9 Garsoore oo Madxweyne Farmaajo soo xushay, kadib markii uu magacabaay Guddoomiyaha Maxkamadda sare Baashe Maxamed Yuusuf oo ahaa ninkii ugu da’da iyo khibradda yaraa ee xilkaasi qabta.
HOOS KA AKHRISO MAGACAYDA 9-ka XILDHIBAAN EE FARMAAJO U MAGACAABAY MAXKAMADDA SARE:
1- Saalax Sheekh Ibraahim Dhiblaawe
2- Maxamed Cumar Axmed
3- Cabdalla Macalin Maxamed
4- Xaydar Barqash Abukor
5- Axmed Cali Muuse.
6- Garyaqaan Xasan Cabdinuur Cabdirixmaan.
7- Garyaqaan Abuukar Axmed Cali (Qasaali).
8- Garyaqaan Cabdulqaadir Idiris Ciise.
9- Garyaqaan Suleymaan Maxamed Maxamuud.
Madaxweynaha ayaa bishii Ogost xilalka ka qaaday garsoorayaashi hore ee maxkamadda sare ee dalka oo kala ahaa.
- Sheekh Abuukor Cismaan Macalin Daahir.
- Maxamed Maxamuud Maxamed.
- Maxamuud Axmed Faarax.
- Sheekh Cumar Aadan Maxamed.
- Cabdinaasir Seeraar Axmed.
- Axmed Maxamed Sheekh Ibraahim.
Garsoorka ayaa ka mida hay’adihii uu balanqaaday Farmajo inuu wax weyn ka qaban doono, taasoo laba sano kadib u muuqata balanqaad kale oo fashilmay, iyadoo aan lagu guuleysan in la dhiso Guddigii Adeegga Garsoorka oo ahaa inuu magacaabo Guddoomiyaha Maxkamadda Sare iyo Garsoorayaasha.
